Ardıcıl rekordlara imza atan “Chiliz” nədir?

“Chiliz” (CHZ) valyuta sistemi ilə bağlı suallar son günlərin araşdırma mövzusu olmağa davam edir. Busaat.az xəbər verir ki, əldə etdiyi yüksəlişlə bütün zamanların rekordunu qıran CHZ kriptovalyutanın ardıcıllarının diqqətini günbəgün üzərinə çəkir.

Belə ki, CHZ bu həftə də daha bir rekorda imza atıb. CHZ bütün zamanların ən yüksək səviyyəsinə-0,1725 dollara çatıb. 30 gün əvvələ qədər 0.023 dollar ilə ticarət edən “Çiliz” birdən-birə 3.70 dollara qalxıb.

Qeyd edək ki, 2012-ci ildə Maltada qurulan CHZ idman klubları ilə ortaqlığı ilə tanınır. “Chiliz” dünyanın bir çox aparıcı idman klubları ilə əməkdaşlıq imzalayaraq azarkeşlərin komandalarının qərarlarında söz sahibi olmalarını təmin edir.