Armen Muradyan Bakıdakı erməni əsirlərə həkimlərin göndərilməsini təklif edib
İrəvan Dövlət Tibb Universitetinin rektoru Armen Muradyan erməni həkimlərin Bakıdakı məhbuslara göndərilməsini təklif edib.
Universitet administrasiyasının rəhbəri Şuşan Danielyan bildirib ki, Muradyan bu məsələni Moskvada Ermənistan və Azərbaycan ictimaiyyətinin nümayəndələrinin görüşündə qaldırıb.
“Muradyan təklif etdi ki, əgər mümkünsə, Ermənistandan deyilsə, heç olmasa neytral ölkədən həkimlər Bakıya göndərilərək erməni məhbusların səhhətinin vəziyyəti ilə bağlı etibarlı məlumat toplasınlar”, – Danielyan bildirib.
O, əlavə edib ki, iclasda əsas məsələ hərbi əsirlərin problemi olub.
Xatırladaq ki, bu görüşü Moskvada Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy təşkil edib. Erməni tərəfdən isə Muradyandan başqa, Ermənistanın Tumanyan Dövlət Kukla Teatrının bədii rəhbəri Ruben Babayan, rejissor Harutyun Xaçatryan, Stanislavski adına Rus Dram Teatrının direktoru Marianna Mxitaryan iştirak ediblər .
Busaat.az
Ariz Həsənoğlu
