Avropa Komissiyasının vitse-prezidenti Maroş Şefçoviç bildirib ki, Avropa Komissiyası Aİ ölkələrinin yay aylarına daxil olmadan birgə qaz alışına başlamasını istəyir.
Busaat.az xəbər verir ki, bu barədə Reuters xəbər yayıb.
Planlaşdırılan satınalmaların əlaqələndirilməsi üçün Avropa İttifaqı ölkələri nümayəndələrinin ilk görüşündən sonra Şefçoviç bildirib ki, o, üzv dövlətləri birlikdə alacaqları qazın miqdarını qiymətləndirmək üçün öz bazarlarındakı şirkətlər ilə operativ şəkildə qarşılıqlı əlaqə saxlamağa çağırıb.
Bəzi Aİ rəsmiləri bildiriblər ki, bir sıra iri enerji şirkətləri qaz müqavilələri üzrə danışıqlar apara bildikləri üçün qoşulmaq istəmirlər və Aİ sxeminin qiymətlərin aşağı düşməsinə səbəb olacağına şübhə edirlər.
Komissiya tədarükçülərin təkliflərini cəlb etmək üçün Avropa ölkələrinin yazın əvvəlində birlikdə almağı planlaşdırdıqları qazın miqdarını ictimaiyyətə açıqlamaq niyyətindədir. Aİ ölkələri yerli şirkətlərinin həmin ölkənin anbarlarını 90 faiz tutumla doldurmaq üçün lazım olan qazın 15 faizinə ekvivalent həcmdə qaz tələbatının toplanmasında iştirakını təmin etməlidir.
Eurostatın məlumatına görə, Aİ-nin 15 faizlik qaza olan tələbatı təxminən 13,5 milyard kubmetr qaz təşkil edir ki, bu da Aİ-nin 2021-ci ildə 338 milyard kubmetr qaz idxalının kiçik bir hissəsidir.
