Azərbaycan Türkiyə, ABŞ və Britaniyaya yeni səfirlər göndərəcək - ADLAR / ÖZƏL

Azərbaycanın ABŞ, Böyük Britaniya və Qazaxıstandakı səfirlərinin yerdəyişməsinin ediləcəyi deyilir.

Busaat.az-ın etibarlı mənbələrdən əldə etdiyi məlumata görə, ölkəmizin Amerika Birləşmiş Ştatlarındakı səfiri Elin Süleymanov Böyük Birtaniya səfir təyin ediləcək, Türkiyədəki səfir Xəzər İbrahim isə Elin Süleymanovun yerinə Vaşinqtona göndəriləcək.

Xəzər İbrahimdən boşalan yerə isə səlahiyyət müddəti başa çatan Qazaxıstandakı səfirimiz Rəşad Məmmədovun təyin ediləcəyi bildirilir.

Qeyd edək ki, 44 günlük Vətən müharibəsində Britaniyanın Azərbaycana verdiyi dəstək ölkələr arasındakı münasibətləri daha yüksək səviyyəyə çatdırıb. Belə olan halda, Azərbaycan üçün önəm kəsb edən ölkələrdən olan ABŞ-dakı səfirin Britaniyaya göndərilməsi bu münasibətlərin yaxın gəlcəkdə strateji müttəfiqlik səviyyəsinə qaldırılmasının planlandığını göstərir.