Azərbaycanın “Eurovision” mahnı müsabiqəsi üçün təqdim etdiyi “Mata Hari” layihəsi beşlikdədir.
Busaat.az xəbər verir ki, müğənni Samirə Əfəndinin ifa etdiyi bəstə yarışmanın rəsmi yutub kanalında ən çox baxılanlar siyahısına daxil ola bilib.
Mart ayının nəticələrinə əsasən, “Mata Hari” 4-cü sırada qərarlaşıb. Sözügedən ekran işi 2 milyon 500 minə yaxın izlənilib.
Onluğa müsabiqənin 2020-ci il təmsilçiləri “Little Big”, 2019-cu ilin qalibi Dunkan Lourens və 2009-cu ildə birinci sırada qərarlaşan Aleksandr Rıbak da daxil olub.
Ən çox baxış toplayan isə Serbiyanın builki təmsilçisi “Hurricane” qrupunun “Loco-Loco” (təxminən 6 milyon 500 min baxış) adlı mahnısıdır.
