Bakıda metro qatarı tuneldə qaldı - Rəsmi açıqlama
Bakı metrosunda qatarların hərəkətində problem yaranıb.
Manset.az-ın əldə etdiyi məlumata görə, bu gün saat 17:50 radələrində Dərnəgüldən Həzi Aslanova gedən istiqamətdə hərəkətdə olan qatar qəfil dayanıb. Qatar 10 dəqiqə Nizami və 28 May metrostansiyaları arasında tuneldə qalıb.
“Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov Manset.az-a açıqlamasında faktı təsdiqləyib. O bildirib ki, qatarda hər hansı texniki nasazlıq olmayıb. Tuneldə dayanmasının səbəbi sırf sərnişin sıxlığı ilə bağlı olub.
Məlumata görə, bir qatar stansiyanı tərk etmədən digər qatar stansiyadan tunelə daxil ola bilməz.
