Birləşmiş Ərəb Əmirlikləri (BƏƏ) Şərqi Aralıq dənizi mövzusunda Türkiyəyə qarşı olduğunu açıq şəkildə etiraf edib.
Busaat.az xəbər verir ki, bu barədə ölkənin xarici işlər üzrə dövlət katibi Enver Gargaş bildirib.
O, İtaliya Xarici İşlər Nazirliyinin rəhbərliyi ilə keçirilən “Aralıq dənizi dialoqları – 2020-ci il” sessiyasına telekonfransla qatılaraq Türkiyə-BƏƏ münasibətləri, İsraillə normallaşma razılaşması və Liviya məsələsi haqqında suallara cavab verib.
E. Gargaş bildirib ki, Türkiyə ərəb ölkələrinin daxili məsələlərinə müdaxilə edir və BƏƏ hökuməti Misir, Yunanıstan və Fransa ilə əməkdaşlıq edərək Türkiyəyə qarşı bir mövqedə dayanacaq.
