“Aset Maliyyə Texnologiyaları” MMC bank olmayan kredit təşkilatı (BOKT) 2024-cü ili 511 min manat mənfəətlə başa vurub. Halbuki, BOKT 2023-cü ildən 40 min manat zərərlə çıxmışdı.
Busaat.az Report.az-a istinadən xəbər verir ki, ötən il “Aset Maliyyə Texnologiyaları”nın vergiyəqədərki mənfəəti 718 min manat (əvvəlki il zərər olub), keçmiş illərin zərəri isə 207 min manat (24 % çox) təşkil edib.
Bu il yanvarın 1-nə “Aset Maliyyə Texnologiyaları”nın aktivləri 1,440 milyon manat olub ki, bu da illik müqayisədə 4,4 dəfə çoxdur. Bunun 736 min manatı müştərilərə verilmiş kreditlər təşkil edib. 2024-cü ildə BOKT-un kredit portfeli 4,9 dəfə böyüyüb.
Hesabat dövründə BOKT-un öhdəlikləri 9,8 dəfə artaraq 530 min manata, balans kapitalı isə 3,3 dəfə artaraq 911 min manata çatıb.
Xatırladaq ki, “Aset Maliyyə Texnologiyaları” 2017-ci ildə yaradılıb. Onun nizamnamə kapitalı 400 min manatdır. BOKT-un təsisçisi 100 % Elçin Bağırovdır.
