
Çempionlar Liqasında ikinci finalçı bəlli olur
Bu gün UEFA Çempionlar Liqasının yarımfinal mərhələsinə yekun vurulacaq.
Busaat.az xəbər verir ki, turnirin sonuncu finalçısı İngiltərədə müəyyənləşəcək.
Burada yerli “Mançester Siti” İspaniya nəhəngi, ÇL-in sonuncu qalibi “Real”la üz-üzə gələcək.
Bu komandalar arasındakı ilk oyunda qalib müəyyənləşməyib və matç 1:1 hesabı ilə başa çatıb.
Xatırladaq ki, daha öncə “İnter” İtaliyanın digər təmsilçisi “Milan”ı iki oyunun nəticəsinə əsasən (2:0, 1:0) məğlub edərək finala yüksəlib.
UEFA Çempionlar Liqası
Yarımfinalın cavab oyunu
17 may
“Mançester Siti” (İngiltərə) – “Real” (İspaniya)
Baş hakim: Şimon Marçinyak (Polşa).
Mançester. “Etihad” stadionu.
İlk oyun – 1:1.























