Cənubi Koreya hökuməti avtomobillər də daxil olmaqla, Rusiya və Belarusa daha 682 növ malın tədarükünü qadağan edəcək.
Busaat.az TASS-a istinadən xəbər verir ki, bu barədə Cənubi Koreyanın Ticarət, Sənaye və Energetika Nazirliyindən bildirilib.
Cənubi Koreyanın səlahiyyətli orqanları ixrac nəzarət siyahısına dəyişikliklər edib. Dəyişikliklər 2024-cü ilin əvvəlindən qüvvəyə minəcək. Rusiyaya göndərilməsi qadağan edilən malların siyahısına ağır tikinti texnikası,təkrar doldurulan batareyalar, aviasiya avadanlığı üçün komponentlər, mühərrikin həcmi 2000 kubmetrdən çox olan minik avtomobilləri və digər məhsullar da var. Cənubi Koreya hələ 2022-ci ildən Rusiyaya avtomobil ixracına qadağa qoyub. Bura qiyməti 50 min dollardan çox olan avtomobillər də daxildir. 2023-cü ilin iyun ayında Avropa İttifaqı mühərrik həcmi 1,9 litrdən çox olan bütün yeni və işlənmiş avtomobillərin, elektriklə işləyən avtomobillərin və hibrid avtomobillərin Rusiyaya ixracını qadağan edib. Yaponiya da eyni qadağaya əl atıb. Federal Gömrük Xidməti isə 2023-cü ilin birinci yarısında Uzaq Şərqdən- Cənubi Koreya və Yaponiyadan rekord sayda – 130 min avtomobilin gətirildiyini bildirib.
Busaat.az
