Çində DƏHŞƏTLİ YANĞIN !! 22 ÖLÜ!!
“Busaat.az”Çinin dövlət yayım qurumu CCTV-yə istinadən xəbər verir ki, Çinin Liaoning vilayətində yerləşən restoranda baş vermiş yanğında azı 22 nəfər həyatını itirib.
Hadisə ölkənin ən sıx əhalili və turistik bölgələrindən olan Sanlizhuang yaxınlığında yerləşən restoranda qeydə alınıb.
Restoranın içini tamamilə bürüyən alovlar nəticəsində yüksək temperaturdan ikinci mərtəbənin şüşəsi partlayıb və alov çölə yayılıb. Hadisə şahidlərinin məlumat verməsi ilə əraziyə dərhal yanğınsöndürən və təcili tibbi yardım briqadaları cəlb olunub.
Çinli rəsmilərin verdiyi ilkin açıqlamaya əsasən, yanğın nəticəsində 22 nəfər həlak olub, 3 nəfər isə yaralanıb.
Hadisə ilə bağlı araşdırmalar davam etdirilir. Yanğının dəqiq səbəbi hələlik müəyyən edilməyib.
Nərmin Səmidova
Busaat.az
