Daha bir ölkə bütün məhdudiyyətləri ləğv etdi

image-isveckoronabackend

İsveç hökuməti bu gündən etibarən koronavirusa qarşı tətbiq edilən demək olar ki, bütün məhdudiyyətləri ləğv edib.

Busaat.az xəbər verir ki, bu barədə məlumatı “TT” agentliyi yayıb.

Məlumata görə, həm açıq, həm də qapalı məkanlarda keçirilən kütləvi tədbirlərdə iştirakçı sayı ilə bağlı məhdudiyyət tam olaraq ləğv edilib. Tədbir iştirakçılarından isə COVID pasportu tələb olunmayacaq.

Bununla yanaşı, vaksin olunmayan vətəndaşlara əvvəl olduğu kimi, sosial məsafəni qorumaq və toplu insan olan yerlərdən yayınmaq tövsiyyə olunur.

Həmçinin restoranlarda masalar arasında məsafənin qorunması ilə bağlı da qaydalar ləğv olunub.

Sentyabrın 29-dan etibarən distant iş rejimi barədə qadağa ləğv olunub və bununla da, çox sayda işçi gündəlik qaydada öz iş yerlərinə qayıda bilər.

Qeyd edək ki, daha bir neçə ölkə koronavirusa və əsas olaraq da “Delta” ştamının yayılmasına baxmayaraq ölkədə tətbiq edilən bir sıra məhdudiyyətləri aradan qaldırıb.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90