Bunu “Ölkə.Az”a açıqlamasında millət vəkili Ülvi Quliyev deyib.
Millət vəkilinin sözlərinə görə, amma beynəlxalq aləm unudur ki, terrorçu dövlətin bu cür hərbi cinayətlərinə göz yumması, nəticədə özlərinə qarşı çevrilə bilər. “Azərbaycan xalqı hələ də beynəlxalq aləmin terrorçu Ermənistanın həyata keçirdiyi insanlığa sığmayan hərbi cinayətlərinə dur deyəcək və buna görə terrorçunu cəzalandırılması istiqamətində konkret addım atacağına ümid edir”- deputat qeyd edib.
Millət vəkili Gəncədə dinc insanlara qarşı terrorçu Ermənistanın hərbi-siyasi rəhbərliyinin törətdiyi hərbi cinayətləri vandalizm və vəhşilik adlandırıb. “Çünki terrorçu Ermənistan beynəlxalq hüququn qaydalarını ayaqlar altına ataraq dinc əhaliyə qarşı qadağan olunmuş silahlardan istifadə edir. Belə ki, terrorçu Ermənistanın silahlı qüvvələri son müharibədə dinc Azərbaycan əhalisinə qarşı “Kaset Sursatlar haqqında konvensiyaya” (CCM) uyğun olaraq 2008-ci ildə qadağan olunmuş sursatlar sinfinə daxil olan “9N235”, həmçinin “M85” bombacıqlarından istifadə edib. Bununla da qəsbkar Ermənistan hərbi münaqişə və müharibə şəraitində Beynəlxalq Humanitar Qanunu və Cenevrə konvensiyalarını ayaqlar altına ataraq Azərbaycan vətəndaşlarının beynəlxalq hüquqla tanınan insan hüquq və azadlıqlarını sistemli şəkildə və qeyri-insani formada kütləvi surətdə pozub. Ona görə də BMT Baş Məclisinin Vyana Bəyannaməsində (1993-cü il) və onun fəaliyyət proqramına görə, silahlı münaqişə şəraitində qadınların insan hüquqlarının pozulması beynəlxalq hüququn əsas prinsiplərinin pozulması kimi dəyərləndirilməli və belə əməllərə görə ən ciddi tədbirlər görülməlidir.
Terrorçu Ermənistanın silahlı qüvvələri 27 sentyabrdan 11 oktyabradək Azərbaycanın münaqişə və müharibə zonasından kənarda yerləşən yaşayış məntəqələrini ağır artileriyyadan açdığı atəşlər və endirdiyi raket zərbələri nəticəsində 40-dan artıq mülki şəxs həlak olub, 200-dən artıq insan yaralanıb, 150-dək mülki obyekt və 1165 yaşayış evi yarasız hala düşüb.
Digər tərəfdən isə qəsbkar Ermənistan silahlı qüvvələri Azərbaycanın enerji infrastrukturunu və beynəlxalq əhəmiyyətli boru kəmərlərini hədəfə alır. Belə ki, böyük su rezervuarına malik Mingəçevir su elektrik stansiyası və Avropaya istiqamətlənən Bakı-Tiflis-Ərzurum qaz kəmərinə, Bakı-Tiflis-Ceyhan neft kəmərinə təhlükə yaradır. Ermənistanın yaratdığı təhlükə Avropanın enerji təhlükəsizliyinə ciddi risklər törədir. Ona görə də beynəlxalq aləm qəsbkar, terrorçu Ermənistanın dünyanın təhlükəsizliyinə yratadığı ciddi təhdidin qarşısını almalıdır. Çünki terrorçu Ermənistanın bu hərəkətləri dünyada xoşagəlməz presidentlərə səbəb ola bilər. O baxımdan belə bir bəşəri cinayətkarlığın qarşısı gec də olsa qarşısı alınmalıdır.
Əgər beynəlxalq aləm qısa zamanda terrorçu Ermənistanın insanlığa sığmayan vəhşiliklərinə və hərbi cinayətlərinə dur deməzsə, o zaman Azərbaycan terrorçu ilə necə davranacağını yaxşı bilir. Necə ki, sentyabrın 27-dən sonra qəsbkar Ermənistanın Azərbaycana qarşı növbəti təxribatından sonra əks-hücum əməliyyatı ilə azğın düşmənin dərsi verildisə, terrorçularında dərsi ona uyğun şəkildə layiqincə veriləcək. Bunu həm terrorçu Ermənistan, həm də onun havadarları yaxşı anlamalıdır. Odur ki, nə qədər gec deyil həm terrorçu Ermənistan, həm də terrorçuya dəstək verib silahlandıran ölkələr baş verənlərdən nəticə çıxarmalıdır”- millət vəkili bildirib.
