Milli Məclisdə parlamentlərarası əlaqələr üzrə yeni işçi qrupları formalaşdırılıb.
Busaat.az xəbər verir ki, bu, Milli Məclisin bu gün keçirilən iclasında müzakirəyə çıxarılan layihədə əksini tapıb.
Parlamentin “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” qərarına təklif edilən dəyişikliyə əsasən, aşağıdakı parlamentlərarası işçi qruplarının formalaşdırılması təklif edilib:
Azərbaycan–Keniya parlamentlərarası işçi qrupu – Namazov Ramid Zakir oğlu;
Azərbaycan–Qambiya parlamentlərarası işçi qrupu – Qurbanov Eyvaz Daşdəmir oğlu;
Azərbaycan–Laos parlamentlərarası işçi qrupu – Paşayeva Gülşən Məmmədəli qızı;
Azərbaycan–Maldiv parlamentlərarası işçi qrupu – Allahverənov Azər Kərim oğlu.
Həmçinin, Azərbaycan–Nepal parlamentlərarası əlaqələr üzrə işçi qrupunun rəhbəri deputat Vasif Qafarov təyin edilir. Məsələ səsverməyə çıxarılaraq bir oxunuşda qəbul edilib.
