Dini Qurumlarla İş üzrə Dövlət Komitəsinin və Qafqaz Müsəlmanları İdarəsinin bölgələr üzrə məsul əməkdaşlarının məhkumlarla növbəti görüşləri 5 saylı Cəzaçəkmə müəssisəsində “Zərərli vərdişlərə qarşı mübarizədə dinin rolu”, Şəki Penitensiar Müəssisəsində “Multukultural cəmiyyətdə ifrat məzhəbçilik və dini təəssübkeşlik meyillərinin yaratdığı problemlər” mövzularında keçirilib.
Busaat.az xəbər verir ki, bu barədə Ədliyyə Nazirliyi Penitensiar Xidmətinin İctimaiyyətlə əlaqələr şöbəsi məlumat yayıb.
Görüşdə məhkumlarla geniş diskussiya aparılıb, onları maraqlandıran suallar cavablandırılıb.
Qeyd edək ki, görüş Ədliyyə Nazirliyi Penitensiar Xidməti və Dini Qurumlarla İş üzrə Dövlət Komitəsi arasında 2023-cü il üçün təsdiq edilmiş birgə tədbirlər planı çərçivəsində məhkumların asudə vaxtlarının səmərəli keçirilməsi, vicdan və dini etiqad azadlığının təmin olunması istiqamətində görülən tədbirlər çərçivəsində həyata keçirilib.
