Dünya Bankının prezidentliyinə yeganə namizəd Ajay Banqa kimdir? - DOSYE

Dünya Bankının prezidentliyinə yeganə namizəd ABŞ-dən Ajay Banqa olub. Bəs, Dünya Bankının prezidentliyinə yeganə namizəd Ajay Banqa kimdir? Ajay Banqa haradandır?

Dünya Bankının yaydığı bəyanatda bildirilib ki, Dünya Bankı Qrupunun prezidentliyinə namizədlərin irəli sürülməsi müddəti martın 29-da başa çatır. Bəyanatda sözügedən vəzifəyə yalnız bir nəfərin namizəd olduğu, bu vəzifəyə ABŞ-dən Ajay Banqanın namizədliyinin nəzərə alınacağı qeyd edilib.

Açıqlamada idarə heyəti tərəfindən prosedurlara uyğun olaraq prezidentliyə namizədlə rəsmi müsahibənin keçiriləcəyi və sədr seçkisinin vaxtında başa çatdırılmasının gözlənildiyi bildirilib.

Dünya Bankının prezidenti Devid Malpass fevral ayında dörd illik vəzifəsindən istefa verəcəyini açıqlamışdı. Malpassın qərarından sonra ABŞ prezidenti Co Bayden Mastercard-ın keçmiş baş icraçı direktoru (CEO) Ajay Banqanın Dünya Bankının prezidentliyinə namizədliyini irəli sürdüyünü açıqlayıb.

Ajay Banqanın həyatı və karyerası isə maraqlıdır.

Ajaypal Sinqh Banqa 10 noyabr 1959-cu ildə Hindistanın Pune şəhərində anadan olub.

Banqa 23 fevral 2023-cü ildə ABŞ prezidenti Co Bayden tərəfindən Dünya Bankının prezidentliyinə namizəd göstərilib. Amerikalı iş adamı Banqa hazırda General Atlantic-in vitse-prezidentidir.

Ajay Banqa Ritu Banqa ilə evlidir və onların iki övladı var.

Busaat.az