Ermənistan Milli Məclisinin prezidenti Alen Simonyanın rəhbərlik etdiyi nümayəndə heyəti Qətərdə üç günlük işgüzar səfərdədir. Yanvarın 24-də Şura (Məclisin Şurası) sədri Həsən bin Abdulla Əl-Qanim Ermənistan Milli Məclisinin sədrinin başçılıq etdiyi nümayəndə heyətini qəbul edib.
Busaat.az xəbər verir ki, bu barədə Ermənistan Milli Məclisinin mətbuat xidməti məlumat yayıb.
Tərəflər Ermənistan-Qətər dövlətlərarası, xüsusilə də parlamentlərarası əməkdaşlığın inkişafı istiqamətində həyata keçiriləcək proqramların zəruriliyini qeyd ediblər.
Simonyan qeyd edib ki, ərəb dünyası ilə çoxşaxəli əlaqələrin inkişafı Ermənistanın xarici siyasətinin əsas istiqamətlərindən biridir. Parlament diplomatiyasının əhəmiyyətinə gəlincə, tərəflər bu məsələdə Parlament Dostluq Qruplarının rolunu və fəaliyyətini sənədləşdiriblər.
Alen Simonyan müharibədən sonrakı vəziyyət və Azərbaycanın Ermənistanın ərazi bütövlüyünə dair ambisiyaları barədə ətraflı məlumat verib.
“Əminəm ki, Ermənistan-Qətər əməkdaşlığı inkişaf üçün böyük potensiala malikdir və mən qardaş xalqlarımızın rifahı naminə Ermənistan-Qətər qarşılıqlı faydalı əməkdaşlığının inkişafına dəstək verməyə hazıram”, – erməni diplomat deyib. Qətərli həmkarı regionda sülhün bərqərar olmasının zəruriliyinə toxunub.
İqtisadi əməkdaşlıqla bağlı fikir mübadiləsi aparılıb. Ərəb həmkarı dünyada gedən müxtəlif müharibələrə toxunaraq, dini və irqçi ayrı-seçkilik zəminində aparılan müharibələrin, təcavüzün onlar üçün qəbuledilməz olduğunu qeyd edib. Tərəflər əlavə ediblər ki, parlamentlərin onlara qarşı mübarizədə çox böyük vəzifəsi var.
Alen Simonyan həmkarını Ermənistana rəsmi səfərə dəvət edib.
Qeyd edək ki, Ermənistan-Qətər dostluq qrupunun rəhbəri Vaaqn Aleksanyan, dostluq qrupunun üzvləri Hasmik Akopyan, Trdat Sarkisyan və Taquhi Tovmasyan, elm, təhsil, mədəniyyət, diaspor, gənclər və idman daimi komissiyasının sədri Sisak Qabrielyan və Ermənistan Səhiyyə naziri Anahit Avanesyan Simonyanın başçılıq etdiyi nümayəndə heyətinin tərkibində Qətərə səfər edib.
