"Ermənistanda seçkilərin nəticələri dəyişə bilər" - POLİTOLOQ

“Nikol Paşinyanın rəhbərlik etdiyi Vətəndaş müqaviləsi partiyası hökuməti təkbaşına formalaşdıra biləcək”.

Busaat.az xəbər verir ki, bu fikirləri Ermənistanda ötən gün keçirilən parlament seçkilərinin nəticələrini şərh eədn politoloq Elçin Mirzəbəyli deyib.

Elçin Mirzəbəyli Robert Köçəryanın seçki blokunun əlvə 2 yer qazanacağını qeyd edib:

“Ermənistanda keçirilən növbədənkənar seçkilərin nəticələrinə görə, parlamentə düşməyən digər partiyaların da səsinin bölgüsü əsasında Nikol Paşinyanın partiyası 71 yer qazanıb. Ermənistan konstitusiyasında parlamentin minimum 101 yerdən formalaşması tələb olunur. Parlamentdə müxalifətin 1/3-də az təmsilçiliyinin olmaması tələbi də nəzərə alınmaqla Robert Köçəryanın seçki bloku əlavə 2 yer də qazanacaq və deputatlarının sayını 29-dan 32-yə çatdıracaq.

Bundan başqa, “Şərəfim var” bloku da Ermənistan parlamentində 7 deputatla təmsil olunacaq. Bu isə Nikol Paşinyanın rəhbərlik etdiyi Vətəndaş müqaviləsi partiyasının hökuməti təkbaşına formalaşdıra biləcəyindən xəbər verir”.

Politoloq, həmçinin seçki saxtakarlıqlarının aşkarlandığını nəzərə alaraq nəticələrin qismən dəyişə biləcəyini vurğulayıb:

“Qeyd edim ki, Ermənistan baş prokurorluğunun son açıqlamasına görə, səsvermə və səslərin sayılması zamanı 141 qanun pozuntusu qeydə alınıb, onlardan 79-u ilə bağlı cinayət işi açılıb. Bu isə o deməkdir ki, seçkilərin nəticələri qismən də olsa dəyişə bilər”.

Emin