Fransada binalar bir-birinin ardınca uçdu: 10 nəfər dağıntılar altında qaldı

Fransanın Marsel şəhərində öncə dördmərtəbəli bina uçub, bundan sonra daha bir zədələnmiş bina dağılıb. Hadisədən sonra dağıntılar altında qaldığı ehtimal edilən 10-a yaxın insanın axtarış-xilasetmə işləri davam edir.

Busaat.az xəbər verir ki, Fransanın Marsel şəhərində yerli vaxtla dünən saat 00:40 radələrində naməlum səbəbdən 4 mərtəbəli binada partlayış baş verib və bina uçub.

Mövzu ilə bağlı açıqlamasında Fransa Daxili İşlər naziri Gerald Darmanin çökən binadan sonra başqa bir binanın da dağıldığını qeyd edib.

Partlayışın səbəbinin hələ məlum olmadığını qeyd edən Dermanin əlavə edib ki, üçüncü bina da qismən dağılıb.

Darmanin partlayışdan sonra çökən binada baş verən yanğının axtarış-xilasetmə işlərini ləngitdiyini, indiyədək 30 nəfərin təxliyə edildiyini bildirib.

Fransa prezidenti Emmanuel Makron da sosial media hesabında, “Mənim hisslərim və düşüncələrim Marsellədir”, – deyə paylaşıb.

Hadisədən sonra xəstəxanaya köçürülən 5 nəfərin müalicəsi davam edir.

Busaat.az