General yüksək vəzifəyə təyin edildi
Dövlət Sərhəd Xidmətində (DSX) daha bir generala yüksək vəzifə verilib.
Busaat.az-ın məlumatına görə, bununla bağlı müvafiq Əmr imzalanıb.
Əmrə əsasən, general-mayor Aqil Babayev Dövlət Sərhəd Xidmətinin (DSX) Aparatında Baş İdarə rəisi təyin edilib.
Qeyd edək ki, A.Babayev DSX Akademiyasının rəisi, Sərhəd Qoşunları Komandanlığının qərargah rəisi vəzifələrində çalışıb. İki ay əvvəl “İgidliyə görə”, daha əvvəl isə “Vətən uğrunda” medalları ilə təltif edilib.
Xatırladaq ki, bir neçə gün əvvəl DSX-də yüksək vəzifələrə təyinatlar olub. General-mayor Azad Abdullayev DSX-nin Sərhəd Qoşunları Komandanlığının qərargah rəisi təyin edilib. (Qafqazinfo)
