“Delimitasiya və demarkasiya prosesi yubanacaqsa Azərbaycan hüquqi və qanuni haqlarından yenidən istifadə edəcək”.
Bunu Azərbaycan və Ermənistan arasında danışıqlar prosesinin gələcəyi haqqında fikirlərini bildirən İnsan Hüquqları və Maarifçilik İctimai Birliyinin sədri Rafail Becanov Busaat.az-a açıqlamasında deyib.
O bildirib ki, Azərbaycan və Ermənistan XİN rəhbəri arasında dəfələrlə görüş keçirilib: “Azərbaycan sülhü təmin edəcək şərtləri müəyyənləşdirib Ermənistana təqdim edib. Lakin Ermənistan hakimiyyəti hələ də bu şərtlərə adekvat cavab vermir. Prosesi yubatmaqla regionda qeyri-sabitliyə xidmət edir. 30 illik işğal dövründə sərgilənən mövqeyi indi də sülh danışıqlarında ortaya qoyur.
Torpaqlarımızı otuz il sonra məcburən hərbdən istifadə edərək geri qaytardıq. Ermənistanın yeganə çıxış yolu Azərbaycanla sülh müqaviləsini imzalamaqdır. Nyu-Yorkda, Cenevrədə, Moskvada aparılan danışıqlarda Ermənistan sözdə sülh müqaviləsini imzalayacağıq desə də əməldə fərqlidir. Ermənistan Azərbaycanla sülh müqaviləsi imzalasa siyasi-iqtisadi vəziyyəti inkişaf edə bilər. İran və Fransa Qafqazda təxribat reallaşdırmaq üçün ermənistandan istifadə edir”.
Sülh müqaviləsinin imzalanması və sərhədlərin müəyyənləşməsi prosesinin uzanacağı halda Azərbaycanın atacağı addımlara toxunan ekspert qeyd edib: “Ermənistan hakimiyyəti dərin düşünməlidir. Azərbaycan sülhə hər zaman hazırdır. Ermənistan otuz il ərzində sülhdən imtina edib deyə müharibə başladı. Delimitasiya və demarkasiya prosesi yubanacaqsa Azərbaycan hüquqi və qanuni haqlarından yenidən istifadə edəcək”.
Busaat.az/Ələsgər
