İranın Ermənistandakı səfiri: “Tehran Zəngəzur dəhlizi ilə bağlı mövqeyindən geri çəkilməyəcək”

İranın Ermənistandakı səfiri yenidən Zəngəzur dəhlizi ilə bağlı qərəzli çıxış edib.
Busaat.az xəbər verir ki,  Mehdi Sübhani deyib: “İran “Zəngəzur dəhlizi” ilə bağlı qəti mövqelərindən geri çəkilməyəcək və bununla bağlı heç bir sövdələşməyə getməyəcək.
İran regionda yeganə ölkədir ki, Zəngəzur dəhlizində mövqeyi Ermənistanın mövqeyi ilə üst-üstə düşür. İran bu məsələdə Ermənistanı dəstəkləyir, çünki bu məsələ hər iki ölkə üçün zərərlidir.
Biz Rusiya və digər ölkələrə öz mövqeyimizi açıq şəkildə bildirmişik. Biz Zəngəzur dəhlizinin arxasında dayanan məntiqə qarşıyıq, beynəlxalq nəzarət altında olan istənilən yola qarşıyıq və sərhədlərin dəyişdirilməsinə səbəb olacaq hər şeyi rədd edirik.
Biz bunu açıq şəkildə bəyan etmişik və bu məsələdə başqa ölkələrin mülahizələrini nəzərə almırıq.
İran Cənubi Qafqazda kommunikasiyaların açılmasının əleyhinə deyil, lakin bu, ölkələrin suverenliyi və ərazi bütövlüyü prinsipləri əsasında baş verməlidir”.