İranın şimalındakı Gilan vilayətinin Astara şəhərində əmələ gələn daşqın nəticəsində azı 7 nəfər xəsarət alıb.
Busaat.az xəbər verir ki, bu barədə İran Tələbələr Xəbər Agentliyi (İSNA) məlumat yayıb.
Astara valisi Məhəmməd Rza Şahabzadə bildirib ki, güclü yağışlar şəhərdə daşqınlara səbəb olub.
“Sel nəticəsində körpüdə olan iki maşın çaya düşüb, 7 nəfər yaralanıb”,- Şahabzadə açıqlamasında deyib.
İran rəsmisi vuğulayıb ki, şəhər boyu axtarış-xilasetmə işləri davam edir.
Bildirilib ki, Astaranı birləşdirən yolların sel nəticəsində zədələndiyi rayonda Astara və Hace Kəri çaylarının da daşması təhlükəsi var.
