Kallas: Rusiya bunu etməsə, dondurulmuş aktivlərini geri ala bilməz

Rusiya Ukraynaya kompensasiya ödəməsə, dondurulmuş aktivlərini geri ala bilməyəcək.

Busaat.az xəbər verir ki, bunu Avropa İttifaqının Xarici İşlər və Təhlükəsizlik Siyasəti üzrə ali nümayəndəsi Kaya Kallas deyib.

“Biz təsəvvür edə bilmirik ki, atəşkəs və ya sülh razılaşmasından sonra Rusiya Ukraynaya təzminat ödəmədən dondurulmuş aktivlərini geri ala bilsin”, – Kallas bildirib.

Qeyd edək ki, Avropa İttifaqı Rusiyaya məxsus təxminən 210 milyard avro dəyərində aktivi dondurub.

Polşa və Baltikyanı ölkələr də daxil olmaqla, bəzi dövlətlər Avropa İttifaqını bu aktivləri müsadirə etməyə və Ukraynaya yardım üçün istifadə etməyə çağırır.