Kolumbiyanın Sutatausa şəhərində kömür mədənində baş verən partlayış nəticəsində ən azı 11 nəfər ölüb, 10 işçi xəsarət alıb.
Busaat.az xarici mediaya istinadən xəbər verir ki, hadisə yerinə çoxlu sayda axtarış-xilasetmə və ilk yardım qrupları göndərilib.
Cundinamarca qubernatoru Nicolas Garcia hadisədən sonra verdiyi açıqlamada deyib: “Hər dəqiqə həyati əhəmiyyət daşıyır, çünki içəridə oksigen tükənir. 2 nəfər mədəndən sağ-salamat xilas edildi, lakin 11 nəfər həyatını itirdi”.
İlk təsbitlərə görə, mədəndəki partlayışın alovlu partlayış olduğu qiymətləndirilir, mədəndə qapalı qalan 10 işçinin xilasetmə işləri davam edir.
