Kritik GÖRÜŞ: CİA direktoru və rusiyalı həmkarı beynəlxalq təhdidləri müzakirə edib - Rəsmi

Ankarada Rusiya-ABŞ rəsmiləri arasında məsləhətləşmələr üçün dialoq təşkil olunub.

Busaat.az xəbər verir ki, bu barədə məlumat Türkiyə Prezidentin köməkçisi Fahrettin Altun və Kremlin sözcüsü Dmitri Peskov tərəfindən təsdiqlənib.

Məlumata görə, Rusiya Xarici Kəşfiyyat Xidmətinin direktoru Sergey Narışkin və ABŞ Mərkəzi Kəşfiyyat İdarəsinin (CİA) direktoru Uilyam Burns Ankarada görüşüb.

“Biz Rusiya və ABŞ kəşfiyyat rəhbərlərinin Türkiyədə Milli Kəşfiyyat Təşkilatı (MİT) tərəfindən təşkil olunmuş görüşünü təsdiq edirik. Beynəlxalq təhlükəsizliyə təhdidlər, o cümlədən nüvə silahının mümkün istifadəsi ilə bağlı müzakirələr aparılıb. Ankara əvvəllər Rusiya və Ukrayna Xarici İşlər nazirlərinin görüşünün keçirildiyi və taxıl sazişinin bağlandığı vasitəçilik səyləri sayəsində sülhə nail olmaq üçün bütün tərəflərlə danışığı davam etdirəcək. Görüşü Amerika tərəfi təklif edib” –deyə, Peskov bildirib.

Qeyd edək ki, Rusiya Xarici Kəşfiyyat xidməti ilə Mərkəzi Kəşfiyyat İdarəsi direktorları arasında görüş MİT-in qərargahında baş tutub.