Litva hökuməti avqustun 18-dən Belarusla Tverecius və Sumskas sərhəd-keçid məntəqələrini bağlamaq qərarına gəlib.
Busaat.az xəbər verir ki, bu barədə Litva Milli Radio və Televiziyası (LRT) məlumat yayıb.
Bildirilib ki, Polşada sərhədlərin tam bağlanması ilə bağlı detallar müzakirə olunacaq.
Litvanın daxili işlər naziri Aqne Bilotaite Baltikyanı ölkələr və Polşanın Belarusla sərhədlərini tamamilə bağlamaq imkanlarını müzakirə etdiklərini və avqustun 28-də detalların dəqiqləşdiriləcəyini bildirib.
Mənbənin məlumatına görə, Litva hökuməti avqustun 18-dən Belarusla Tverecius və Sumskas sərhəd-keçid məntəqələrini bağlamaq qərarına gəlib.
Belarusla qalan dörd sərhəd keçid məntəqəsi, Medininkay, Lavoriskes, Raigardas və Salcininkay açıq qalacaq.
Qərar Rusiyaya aid Vaqnerin Belarusda olması ilə bağlı narahatlığın artdığı bir vaxtda qəbul edilib.
