Litva Belarusla sərhəddəki altı sərhəd keçidindən ikisini bağlayır

Litva cümə günündən etibarən Belarusla sərhəddəki altı keçid məntəqəsindən ikisini bağladı.

Busaat.az xəbər verir ki, bu barədə Litvanın daxili işlər naziri Agne Bilotaite  məlumat yayıb.

O, bu addımı qaçaqmalçılıq və yeni yaranan təhlükəsizlik təhdidləri ilə əsaslandırıb.

“İlk növbədə qaçaqmalçılığa qarşı mübarizəmizi gücləndirməliyik. Bağlanan sərhəd-keçid məntəqələrində lazımi yoxlamalar üçün vacib olan rentgen avadanlığı yox idi”, – nazir söyləyib.

Litva hökumətinin Vaqner PMC üzvlərinin Belarusda olması ilə bağlı narahatlığı və onların bu keçid məntəqələri vasitəsilə Litvaya sıza biləcəyindən qorxması elan edilən ikinci səbəb olub.

“Biz Vaqnerin  Litvada mövcudluğunu həll edilməli olan bir təhlükə kimi qiymətləndiririk”, – Bilotaite söyləyib

Litva hökuməti bu sərhəd keçidlərinin nə vaxt açılacağına dair heç bir məlumat verməyib.