Livan İsrail PUA-sını atəşə tutub
Livan ordusu ölkənin sərhədlərini pozmaqda ittihan etdiyi İsrail pilotsuz uçuş aparatına (PUA) atəş açıb.
Busaat.az xəbər verir ki, bu barədə məlumat Livan ordusunun yazılı açıqlamasında yer alıb.
Açıqlamaya görə, İsrailə məxsus PUA-nın Livanın cənubundakı Hunin qəsəbəsi üzərində səmada sərhəd pozuntusuna yol verdiyi bildirilib.
Qeyd edilib ki, pilotsuz təyyarə Livan hava məkanında göründükdən sonra hərbçilər tərəfindən hədəfə alınıb.
İsrail rəsmilərindən hələlik heç bir açıqlama verilməyib.
