Lukaku “Roma”ya keçməsindən danışdı

Belçikalı hücumçu Romelu Lukaku İtaliyanın “Roma” komandasına keçməsindən danışıb.

Busaat.az xəbər verir ki, bu barədə klubun rəsmisaytında məqalə dərc olunub.

“Klubun və azarkeşlərin təşkil etdiyi qəbuldan çox məmnunam. O, mənə hər şeyimi yeni komandaya vermək üçün daha çox motivasiya verdi. Əvvəllər mən artıq “Stadio Olimpiko”nun ab-havasını hiss edirdim.

Bu gün artıq layihənin bir hissəsi olduğumu bilmək çox xoşdur. Bu yaxınlarda klub sahibləri ilə danışmaq imkanım oldu və onların ambisiyaları məni heyran etdi.

İndi biz çalışmalıyıq, təvazökar olmalıyıq və oyundan-oyuna inkişaf etməliyik. Həm meydanda, həm də meydandan kənarda komanda yoldaşlarıma xidmət etmək üçün səbirsizlənirəm”, – o bildirib.

Qeyd edək ki, 30 yaşlı Lukaku “Roma” klubuna 2023/2024 mövsümünün sonuna kimi icarə əsasında Londonun “Çelsi” klubundan keçib. Yeni klubunda hücumçu 90 nömrəli forma geyinəcək.