Manatın məzənnəsi ilə bağlı son məlumat - RƏSMİ

Avqustun 1-ə Azərbaycan manatının xarici valyutalara nisbətən ümumi nominal effektiv məzənnəsi 101,8 faiz bəndi təşkil edib.

Busaat.az xəbər verir ki, bu barədə Mərkəzi Bankın hesabatında qeyd olunub.

Belə ki, manatın nominal effektiv məzənnəsi, ötən ilin eyni dövrü ilə müqayisədə isə 2,3 % azalıb.

Həmçinin, manatın qeyri-neft sektoru üzrə nominal efektiv məzənnəsi də 172,7 faiz bəndi təşkil edib ki, bu ötən ilin eyni dövrü ilə müqayisədə təxminən 0,46 % azdır.

Manatın ümumi real effektiv məzənnəsində də azalma müşahidə edilib. Hesabat dövründə bu göstərici 113,8 faiz bəndi təşkil edib ki, bu da 2024-cü ilin avqustun 1-i tarixi ilə müqayisədə 4,7 % azdır.

Manatın qeyri-neft sektoru üzrə real effektiv məzənnəsi isə 110,7 faiz bəndi təşkil edib. Bir il əvvələ nisbətdə də bu göstərici 4,3 % azalıb.