Meksikada Popokatepetl vulkanında bir gündə 3 püskürmə baş verib

Meksikada Popokatepetl vulkanında bir gündə üç püskürmə, 112 dəfə qaz və kül çıxışı qeydə alınıb.

Busaat.az xəbər verir ki, bu barədə Meksika Milli Fəlakətin Qarşısının Alınması Mərkəzi məlumat yayıb.

Səlahiyyətlilər vulkan aktivliyinin artması ilə bağlı rayon sakinlərinə xəbərdarlıq edib.

Küləyin təsiri ilə külün qərb və şimal-qərb istiqamətlərinə yayıldığı bildirilib.

Meksikanın ikinci ən yüksək dağı olan Popokatepetldə son 2 ildə aktivləşmə müşahidə olunur.

Qeyd edək ki, ilin əvvəlindən bu yana vulkanda qeydə alınan püskürmələrin sayı son püskürmələrlə 608-ə yüksəlib.