Mirançukun bu mövsüm “Atalanta”nın heyətində yer almamasının səbəbi məlum oldu

Busaat.az xəbər verir ki, “Atalanta”nın yarımmüdafiəçisi Aleksey Mirançukun maraqlarını təmsil edən agent Vadim Şpinev rusiyalının mövsümün ilk matçlarında İtaliya komandasının heyətinə düşməməsinin səbəbini açıqlayıb.

“Atalanta ilə toplanışda ilk məşqlərdən birində Aleksey zədələndi. Bu, Lyoşaya təlim-məşq toplanışının bütün dövrü ərzində komanda ilə işləməyə imkan vermədi. Məhz bu səbəbdən o, “Atalanta”nın matçlar üçün ərizəsinə daxil edilməyib.

Elə dünən Mirançuk bütün sınaqlardan keçdi və ümumi qrupdakı yüklərə hazır olduğu təsdiqini aldı. Bu gün o, heç bir məhdudiyyət olmadan komanda ilə məşqlərə başlayacaq”, – deyə Şpinev bildirib.

Mirançuk ötən mövsüm icarə əsasında “Torino”da çıxış edib. Yarımmüdafiəçi bütün turnirlərdə 31 oyun keçirib, 4 qol vurub və 6 məhsuldar ötürmə edib.