Mourinyo komandasının “Sevilya”ya penaltilər seriyasında uduzduğu haqda danışıb

“Roma”nın baş məşqçisi Joze Mourinyo komandasının “Sevilya”ya penaltilər seriyasında uduzduğu 2022/2023 Avropa Liqasının final oyunu (1:1, 1:4) haqda danışıb.

Busaat.az xəbər verir ki, bu barədə jurnalist Fabrizio Romano öz sosial media hesabında yazıb.

“Roma”nın baş məşqçisi kimi son günümə qədər bunu təkrarlayacağam – Avropa Liqasının finalında “Sevilya”ya uduzmadıq. Budapeştdə finalda məğlub olmadıq və mən fikrimi dəyişməyəcəyəm!” – jurnalist  Mourinyodan sitat gətirir.

Xatırladaq ki, “Roma” – “Sevilya”nın final matçını Entoni Teylorun rəhbərlik etdiyi hakimlər briqadası idarə edib. Hakim “Roma”nın futbolçularına yeddi sarı vərəqə göstərib. Oyundan sonra Teylorun çıxışından narazı qalan Mourinyo stadionun dayanacağında hakimi təhqir edib.

Daha sonra 60 yaşlı portuqaliyalı mütəxəssis 2023/2024 mövsümünün dörd avrokubok oyununa diskvalifikasiya edilib. Beləliklə, “Roma” Avropa Liqasında qrup mərhələsinin oyunlarının yarıdan çoxunu (altı oyundan dördü) məşqçisi yan xəttdə keçirəcək. Mourinyosuz romalılar Çexiya “Slaviya”sı ilə iki dəfə oynayacaq, həmçinin “Şerif” və “Servette” ilə hərəyə bir dəfə döyüşəcəklər.