“NATO ölkələrinin əksəriyyətində Ukraynaya silah tədarükü imkanları tükənib” – New York Times

NATO ölkələrinin üçdə ikisi Ukraynaya silah tədarükü ilə bağlı potensialını tükəndirib.

Busaat.az xəbər verir ki, bu barədə “The New York Times” alyansın nümayəndələrinə istinadən yazıb.

Qəzet yazır ki, NATO-nun otuz üzvündən iyirmisinin silah ehtiyatları tükənib, qalan on üzv ölkə isə, hələ də təchizatı davam etdirə bilər. Belə ölkələr arasında Fransa, Almaniya, İtaliya və Hollandiya var.

Qəzet qeyd edir ki, silah ehtiyatları ilə bağlı vəziyyət xüsusilə Polşa və Baltikyanı ölkələr üçün çətinləşib.

“The New York Times” əlavə edib ki, NATO ölkələri Ukraynaya ümumilikdə 40 milyard dollar dəyərində silah köçürüb. Bu da Fransanın illik müdafiə büdcəsi ilə eynidir.