Nazir dostunu sədr müavini təyin etdi

Kənd Təsərrüfatı Nazirliyi Yanında Aqrar Xidmətlər Agentliyinə yeni sədr müavini təyin olunub.

Busaat.az xəbər verir ki, Qaynarinfo-nun əldə etdiyi məlumata görə, kənd təsərrüfatı naziri Məcnun Məmmədovun müvafiq əmri ilə Zeynalov Taleh Tarix oğlu Aqrar Xidmətlər Agentliyinin Laboratoriya, Ekspertiza və Sertifikatlaşdırma Mərkəzinin direktoru vəzifəsindən azad edilib. Nazirin digər əmri ilə Taleh Zeynalov Aqrar Xidmətlər Agentliyinin sədr müavini təyin olunub.

Qeyd edək ki, 2023-cü ilə kimi “Grand-Agro Invitro” MMC-nin direktoru olmuş Taleh Zeynalov kənd təsərrüfatı naziri Məcnun Məmmədovun yaxın dostudur. Məcnun Məmmədov “Agro Food Investments” MMC-nin rəhbərliyində çalışıb. “Grand-Agro” və “Grand-Agro Invitro” MMC-lər adıçəkilən şirkətin kurasyasındadır.

Taleh Zeynalov 2017-2018-ci ildə “PMD Group” MMC-nin, “Agro Food Investments” MMC və 2023-cü ildə isə “Grand-Agro Invitro” MMC-nin rəhbərliyində çalışıb.