NATO-nun Ukraynada hərbi fəaliyyətə cəlb olunmaq planı yoxdur, lakin Kiyevi dəstəkləməyə davam edəcək.
Busaat.az xəbər verir ki, bu barədə ABŞ-nin müdafiə naziri Lloyd Ostin bildirib.
“İndi isə açıq deyim: NATO müdafiə ittifaqıdır”, – Ostin NATO-nun müdafiə nazirləri toplantısından sonra deyib.
O, əlavə edib ki, blok münaqişəyə cəlb edilməyəcək.
“Lakin biz Ukraynanın özünü müdafiə etmək hüququnu dəstəkləyəcəyik. Gələcək problemlər üçün bu ittifaqı gücləndirməyə davam edəcəyik və hər bir NATO müttəfiqinin suverenliyinin və ərazisini müdafiə edəcəyik. Amerikanın bu missiyaya sadiqliyi və bizim Beşinci Maddəyə sadiqliyimiz də möhkəmdir”, – Pentaqon rəhbəri vurğulayıb.
1949-cu il Şimali Atlantika Müqavilənin beşinci maddəsi alyansın bir və ya bir neçə üzv dövlətinə qarşı silahlı hücuma kollektiv cavab tədbirləri nəzərdə tutur.
