Körpü-Bina-Tikinti MMC tərəfindən futbol ənənələrinin inkişafı və Azərbaycanda futbol oyunlarına diqqətin artırılması məqsədilə turnir təşkil edilib.
Busaat.az xəbər verir ki, Payız Futbol Turniri adlı yarış artıq yekunlaşıb.
Futbol turnirin təşkilində “KBT” MMC-nin West Hospital, Medaz Medical System, West Shine Hotel, Spektr Computers & Accessories və Qəbələ FK kimi tərəfdaşları iştirak ediblər.
Turnirin final görüşü 25 noyabrda keçirilib. Finalda “Spektr Futbol Klubu” ilə “Xudayar Futbol Klubu” arasında qızğın mübarizə yaşanıb. Oyunun qalibi 5-2 hesablı qələbə ilə “Spektr Futbol Klubu” olub.
