Polisdən narkotik əməliyyatı – 10 nəfər saxlanıldı

image-yasamalbackend

Yasamal RPİ-nin 26-cı Polis Bölməsinin keçirdiyi əməliyyatlar nəticəsində narkotiklərin qanunsuz dövriyyəsi ilə məşğul olan 10 nəfər saxlanılıb.

Busaat.az DİN-in Mətbuat xidmətinə istinadən xəbər verir ki, dövriyyədən külli miqdarda – 5 kiloqrama yaxın heroin və psixotrop maddə metamfetamin çıxarılıb.

Saxlanılanlardan biri, əvvəllər məhkum olunmuş Anar Əliyev Yasamal rayonunda narkotik vasitələrin satışını həyata keçirən əsas şəxslərdən olub. O, narkotikləri sosial şəbəkələr vasitəsi ilə xarici ölkələrdə yaşayan narkotik vasitə satıcıları ilə əlaqə yaradaraq əldə etdiyini bildirib.

Aşkar edilən faktlarla bağlı 26-cı Polis Bölməsində toplanan materiallar araşdırılması üçün Yasamal Rayon Polis İdarəsinin İstintaq Şöbəsinə göndərilib. Bu şəxslərin daxil olduqları narkoşəbəkənin digər üzvlərinin saxlanılması istiqamətində əməliyyat tədbirləri davam etdirilir.

Qeyd edək ki, ilin əvvəlindən Yasamal RPİ-nin və ərazi Polis Bölmələrinin keçirdiyi əməliyyatlar zamanı qanunsuz dövriyyədən 13 kiloqramdan artıq narkotik vasitə və psoxotrop maddə çıxarılıb.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90