Xəbər verdiyimiz kimi, dünən Bakı-Ələt yolundakı karantin postunda insident baş verib. Rəmzi Şükürov idarə etdiyi “Mercedes” markalı avtomobillə polislərin qanuni əmrlərinə tabe olmayaraq yol qurğularını qırıb və maşınla ərazidən qaçıb.
Polis əməkdaşlarının gördüyü tədbirlər R.Şükürov saxlanılıb. Onun müvafiq qaydada cəzalandırılacağı gözlənilir.
Qeyd edək ki, Rəmzi Şükürov iş adamıdır. Onun şirkəti çoxmərtəbəli binaların tikintisi ilə məşğul olur. Atası Əvəz Şükürov da “tikinti kralı” kimi tanınır. Onlar barəsində mətbuatda dəfələrlə qalmaqallı məqalələr dərc olunub. (Report)
Editor.az karantini rejimini pozub yol qurğularını qıran və iş adamı kimi təqdim olunan şəxslə bağlı kiçik araşdırma aparıb. Bəlli olub ki, Rəmzi Şükürov yalnız iş adamı olmaqla kifayətlənməyib. O həm də Milli Məclis Aparatının əməkdaşıdır.
Milli Məclisin yeni spikeri Sahibə Qafarovanın parlamentdə struktur islahatlarına dair sərəncamı fonunda Rəmzi Şükürovun bu davranışları diqqət çəkməyə və təəssüf doğurmaya bilməz…
//Editor.az
