“Qarabağ azad edildikdən sonra erməni icması Azərbaycanda sülh şəraitində yaşayacaq”
“Qarabağ azad edildikdən sonra erməni icması Azərbaycanda sülh və firavanlıq şəraitində yaşayacaq”.
Busaat.az xəbər verir ki, bu fikirləri Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev “Twitter”dəki hesabında yazıb.
Tovuzda yaşayan erməni əsilli Alivina Marqosyanın videosunu paylaşan H.Hacıyev bildirib: “79 yaşlı erməni əsilli Azərbaycan vətəndaşı – xanım Marqosyan Alivina Sarkisovna. Ermənilərin Azərbaycanda dinc yaşamasının başqa bir təzahürü. Qarabağ azad edildikdən sonra erməni icması Azərbaycanda ləyaqət, sülh və firavanlıq şəraitində yaşayacaq”.
