Qazprom Ukrayna vasitəsilə Avropaya sutkada 42,4 milyon kubmetr həcmində qaz tədarük edib
Busaat.az xəbər verir ki, bu barədə jurnalistlərə açıqlamasında Qazprom nümayəndəsi bildirib.
Nümayəndə həmçinin Soxranovkadan qaz nəqlinə dair tələb olduğunu, ancaq bu tələbin Ukrayna tərəfindən rədd edildiyini qeyd edib.
“Qazprom Rusiya qazını Ukrayna ərazisindən Ukrayna tərəfinin təsdiq etdiyi həcmdə Sudja stansiyası vasitəsilə nəql edir. Oktyabrın 5-i tarixində 42,4 milyon kubmetr həcmində qaz tədarük edilib. Soxranovka qaz stansiyası ilə bağlı müraciət isə, rədd edilib” – deyə, nümayəndə söyləyib.
Qeyd edək ki, ötən gün Rusiyadan Ukrayna vasitəsilə Avropaya nəql edilən qazın həcmi 41,3 milyon kubmetr təşkil edib.
