İsrailin 409 gündür davam edən hücumları nəticəsində, Qəzza bölgəsində həyatını itirənlərin sayı 43.922-yə çatıb.
Busaat.az xəbər verir ki, Fələstinin Səhiyyə Nazirliyinin verdiyi məlumata görə, İsrailin Qəzza bölgəsinə endirdiyi hava zərbələri və digər hərbi əməliyyatlar nəticəsində mülki əhalinin arasında ciddi itkilər davam edir. Həlak olanların əksəriyyəti qadınlar və uşaqlardır.
Qəzza bölgəsində hücumların başlanmasından bu yana 43.922 nəfərin həyatını itirdiyini və 130.000-dən çox insanın yaralandığı bildirilib. Yaralananlar arasında ciddi zədə almış çox sayda insan olduğu qeyd edilib. Xəstəxanalar və digər tibb müəssisələri, mülki əhaliyə tibbi yardım göstərməkdə çətinlik çəkir, çünki tibb mərkəzləri də bombardmanlar nəticəsində zədələnib.
Zeyd Bağırzadə
