“Tacikistan sərhəddə təxribatlara davam edərsə, Qırğızıstanın buna cavab vermək üçün kifayət qədər hərbi gücü var”.
Busaat.az TASS-a isitnadən xəbər verir ki, bunu Qırğızıstan parlamentinin sədri Talant Mamıtov deyib.
“Tacikistan tərəfi təxribata gedərsə, cavab vermək üçün kifayət qədər hərbi gücümüz var. Vətəni qorumaq hər kəsin borcudur. Lakin hər şey diplomatik yolla – ikitərəfli danışıqlar yolu ilə həll olunmalıdır. Beynəlxalq ictimaiyyət bizi izləyir. Xahiş edirəm, münaqişənin episentrinə getmək çağırışları ilə vəziyyəti ağırlaşdırmayın”, – deyə spiker bildirib.
Xatırladaq ki, münaqişə Qırğızıstanın Batken rayonunun Kok-Taş kəndinin ərazisinə Tacikistan tərəfinin suya nəzarət etmək üçün videokameralar quraşdırmasından sonra başlanıb. Tacikistan tərəfi qırğız kəndinin əhalisini daşa tutub, ov tüfənglərindən istifadə edib.
Dünən axşamdan başlayan çaxnaşmada 1 nəfər ölüb, 17 nəfər müxtəlif dərəcəli xəsarətlər alıb. Qırğızıstan münaqişə zonasından 400-dən çox sakini təhlükəsiz ərazilərə köçürüb.
