Qlobal iqtisadi artım proqnozu açıqlanıb

Dünya Bankı 2024-cü ildə qlobal iqtisadi artımın 2,6% olacağını proqnozlaşdırıb.

Busaat.az xəbər verir ki, bu barədə “İnterfaks” məlumat verib.

Məlumata görə, yanvarda ekspertlər 2,4% artım elan ediblər.

Dünya Bankının proqnozlarına görə, 2025-2026-cı illərdə artım 2,7%-ə qədər sürətlənəcək.

Hesabatda xatırladılıb ki, bu rəqəmlər COVID-19 pandemiyasının başlamasından 10 il əvvəl qeydə alınan orta 3,1% səviyyəsindən xeyli aşağıdır.

Bankın ekspertlərinin fikrincə, iqtisadiyyatı inkişaf etməkdə olan ölkələrdə 2025-ci ilin sonuna kimi ÜDM-in orta illik artım tempi 4%-i ötməyəcək.

İnkişaf etmiş ölkələrdə iqtisadi artımın 2024-cü ildə 1,5%, 2025-ci ildə isə 1,7% ola biləcəyi qeyd olunub.