Rusiya neftin qiymətinin yuxarı həddinin tətbiqini qadağan edən mexanizm hazırlayır
Rusiya Baş nazirinin müavini Aleksandr Novak bildirib ki, hökumət hazırda Rusiya neftinə bu yaxınlarda Avropa İttifaqı (Aİ) və G7 ölkələri tərəfindən razılaşdırılmış qiymət həddi tətbiqini qadağan edən mexanizm üzərində işləyir.
Busaat.az xəbər verir ki, bu barədə “Kommersant” məlumat yayıb.
Novakın sözlərinə görə, Avropa idxalçıları qiymət həddi tətbiq etməyə başlayarsa, Rusiya hakimiyyəti neft hasilatını azaltmağa hazırdır.
Bundan əvvəl Aİ ölkələri Rusiya neftinin qiymətinin bir barel üçün 60 dollardan yuxarı səviyyədə satışını qadağan edən qanunu təsdiqləyib. Aİ-nin ardınca G7 ölkələri və Avstraliya oxşar qərarı qəbul edib.
Bu addım Rusiya rəsmiləri tərəfindən tənqid edilib və Rusiya prezidentinin mətbuat katibi Dmitri Peskov Kremlin enerji məhdudiyyətini qəbul etməkdən imtina etdiyini bildirib.
