Şəhid anası vəfat etdi -FOTO

44 Günlük Vətən müharibəsində şəhid olan Araz Baxşəliyevin anası Qəmər xanım vəfat edib. Bu barədə sosial şəbəkədə Elyar İslamoğlu paylaşım edib.
Xatırladım ki, Araz Baxşəliyev 1993-cü il sentyabrın 18-də Horadiz şəhərində anadan olub.1999-2010-cu illərdə M. Səfərov adına 1 nömrəli tam orta məktəbdə təhsil alıb. 2015-ci ildən müddətdən artıq həqiqi hərbi xidmət qulluqçusu olaraq Minaatıcı Taborda Bölüyün Komandiri vəzifəsində xidmət edib.
Araz Baxşəliyev sentyabrın 28-də Füzuli döyüşləri zamanı Aşağı Seyidəhmədli istiqamətində şəhid olub. Horadiz şəhərində dəfn olunub.
Evin tək oğlu idi.
Ölümündən sonra “Vətən uğrunda”, “Xocavəndin azad olunmasına görə”, “Füzulinin azad olunmasına görə”, “Cəsur döyüşçü ” medalı ilə təltif edilib.