“Taliban” BMT Təhlükəsizlik Şurasının İŞİD-in Əfqanıstandan dünyaya gətirdiyi təhdidlərə dair hesabatını əsassız hesab edib.
Busaat.az xarici KİV-ə istinadən xəbər verir ki, bu barədə hərəkatın bəyanatında deyilir.
“BMT Təhlükəsizlik Şurasının İŞİD-in yaratdığı təhlükələr, o cümlədən ölkəmizdə 20 silahlı qrupun olması, terror təşkilatının əməliyyat imkanlarının artırılması barədə iddiaları rədd edir, belə məsələlərdə şəffaf iştiraka çağırır”, – bəyanatda bildirilir.
Bəyanata görə, İŞİD-in Əfqanıstandakı fəaliyyəti son bir ildə sıfıra endirilib və beynəlxalq təşkilatın bu cür neqativ təbliğat yayması və sübut təqdim edə bilməməsi təşkilatın statusunu sual altına qoyur.
“Taliban” bildirir ki, onların təhlükəsizlik qüvvələri son iki ildə qanunsuz silahlı qruplaşmalara və İŞİD-ə qarşı yüzlərlə əməliyyat keçirib, sursatlar ələ keçirilib və terror təşkilatının əməliyyat imkanları məhv edilib.
