Tanınmış jurnalistə vəzifə verildi

Busaat.az xəbər verir ki, tanınmış jurnalist Nuridə Allahyarova TƏBİB-in tabeliyində fəaliyyət göstərən Qafqazın ən böyük tibb müəssisəsi olan “Yeni Klinika”ın İctimaiyyətlə əlaqələr şöbəsinin müdiri vəzifəsinə təyin olunub.

Qeyd edək ki, N.Allahyarova cari ilin fevral ayına qədər Mədəniyyət Nazirliyinin Media və kommunikasiya şöbəsinin müdiri vəzifəsində çalışıb. Daha öncə Rəqəmsal İnkişaf və Nəqliyyat Nazirliyinin Dövlət Avtomobil Nəqliyyatı Xidmətinin İctimaiyyətlə əlaqələr şöbəsinin rəhbəri vəzifəsini icra edən N.Allahyarova buna qədər Bakı Nəqliyyat Agentliyində, “BakuBus” MMC-də mətbuat katibi vəzifələrində, daha əvvəllər isə Vergilər Nazirliyi və Binəqədi rayon İcra Hakimiyyətində yüksək vəzifələrdə fəaliyyət göstərib.

Nuridə Allahyarova “Space” televiziya kanalında yayımlanan “Prezident vaxtı” verilişinin müəllifi və aparıcısı, ATV kanalında yayımlanan “Birlikdə güclüyük” verilişinin aparıcısı olub.