Temperatur -20°-yə düşəcək - PROQNOZ

Martın 10-da gözlənilən hava şəraiti açıqlanıb.

Busaat.az Milli Hidrometeorologiya Xidmətinə istinadən xəbər verir ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin 9-dan 10-da keçən gecə bəzi yerlərdə az yağıntılı olacağı ehtimalı var. Şimal-şərq küləyi gündüz cənub-şərq küləyi ilə əvəz olunacaq.

Havanın temperaturu gecə 2 dərəcədən 4 dərəcəyədək, gündüz 5 dərəcədən 8 dərəcəyədək olacaq. Atmosfer təzyiqi 776 mm civə sütunundan 779 mm civə sütununa yüksələcək. Nisbi rütubət gecə 70-80 %, gündüz 60-65 % təşkil edəcək.

Azərbaycanın rayonlarında bəzi yerlərdə arabir yağıntılı olacağı, dağlıq ərazilərdə qar yağacağı gözlənilir. Gecə və səhər bəzi şərq rayonlarında arabir intensivləşəcəyi ehtimalı var. Axşama doğru yağıntılar tədricən kəsiləcək. Bəzi yerlərdə arabir duman olacaq. Mülayim qərb küləyi əsəcək.

Havanın temperaturu gecə 0 dərəcədən 4 dərəcəyədək, gündüz 5 dərəcədən 10 dərəcəyədək, dağlarda gecə -8 dərəcədən -13 dərəcəyədək, yüksək dağlıq ərazilərdə -15 dərəcədən -20 dərəcəyədək, gündüz -2 dərəcədən -7 dərəcəyədək olacaq.